Грција се надева на финансиска помош, но без нови предуслови
Објавено во: Балкан 26 Август, 2013
Грчкиот министер за финансии Јанис Стурнарас се надева на повторна финансиска поддршка, но без нови предуслови.
Грчкиот министер за финансии Јанис Стурнарас е оптимист - тој смета дека неговата земја е на добар пат за враќање на пазарот на капитал. На Грција, според Стурнарас, не ѝ треба нов отпис на долгови.
„Нашиот товар долгови можеме да го намалиме на поинаков начин“, тврди министерот за германскиот весник „Ханделсблат“. Тој споменува пониски каматни стапки и подолги рокови за отплата на главницата на долгот за веќе добиените кредити.
Но, со тоа не би биле затнати големите финансиски дупки. Грчката влада својата дополнителна потреба од финансиски средства ја проценува на околу десет милијарди евра и се надева на помош без предуслови.
„Не зборуваме за нов пакет помош за спасување, туку за пакет економска помош“, истакнува Стурнарас.
„Обврските на Грција за возврат на веќе одобрената помош од меѓународните кредитори се прецизирани до 2016 година и не смеат да се менуваат“, аргументира министерот, објави „Дојче Веле“.
Според него, трет пакет помош, каков што навести минатата недела германскиот министер за финансии Волфганг Шојбле, не е неопходно потребен. Стурнарас најави бескомромисен приод кон даночните затајувачи.
Во време на мандатот на сегашната влада повеќе од 600 даночни грешници се најдоа веќе во затвор. „Тоа навистина не е убаво, но моравме да го направиме“, истакнува Стурнарас.
Можеби ќе ве интересира
ВУЧИЌ ЗА КОСПОНЗОРСТВОТО НА МАКЕДОНИЈА ЗА СРЕБРЕНИЦА: Претпоставувм дека тоа е благодарност за она што го направивме за Скопје
СРПСКИ МЕДИУМ: Братот на осомничениот за убиството на Данка Илиќ починал од насилна смрт
ПРАВАТ СЀ ЗА ДА СЕ „ОТКАЧАТ“ ОД ТУРИСТИТЕ - една од најпопуларните европски атракции е избришаnа од GOOGLE и APPLE MAPS
ГРЦИТЕ БИ САКАЛЕ ДА ГИ ИЗБЕГНАТ „ПАТЛИЏАН“ ТУРИСТИТЕ: Еве каква храна се одзема на граница и што е забрането да се носи при влез
„МИЛОШ, МИ ЈА НЕМА ДАНКА!“: Еве како таткото на малото девојче дознал дека му исчезнало детето - го опиша секој детал
ЗА ВРЕМЕ НА ВИКЕНДОТ, ВО РЕГИОНОТ ЌЕ ПАДНЕ ЕДЕН ОД НАЈГОЛЕМИТЕ СНЕГОВИ ЗА ГОДИНАВА: Следува многу постудено време
НА ЕДНА ПЛАНИНА ВО СОСЕДСТВОТО ИМА ЗЛАТО ЗА ПОЛА ЕВРОПА: Стрикленд Металс влезе во „профитабилната српска игра за злато“
ДАЧИЌ: Дали Османи зборува во името на цела Северна Македонија, македонскиот или албанскиот народ?
ПАРЛАМЕНТОТ НА РЕПУБЛИКА СРПСКА ГО НЕГИРА ГЕНОЦИДОТ ВО СРЕБРЕНИЦА: Велат дека го подигнуваат нивото на национална свест
