Грција се подготвува за исклучување на струја

Добивај вести на Viber

Грчката влада подготвува итен план за заштеда на електрична енергија и друга енергија во случај на целосен и продолжен прекин на испораките на руски гас.

Вонредните прекини на струја во работните денови ќе ги опфатат „енергетски интензивните индустрии“ кои не произведуваат основни видови стоки. Изворите велат дека таквата можност е исклучена во блиска иднина, но неизвесноста и обемот на војната во Украина, како и непредвидливата реакцијата на Москва на санкиите на ЕУ, бараат интервенции кои ќе ја ограничат потрошувачката на струја и транспортот во Грција.

Така, според атинскиот весник „Та неа“, во „екстремното сценарио“ ќе се активира наизменична „ротација на прекини на електрична енергија“.во Грција – во интервали во текот на работните денови.

Целта не е да се исклучи струјата за домаќинствата, компаниите кои се на нисконапонска мрежа или хотелите и критичната јавна инфраструктура, туку да се заштеди енергија која подоцна ќе се дистрибуира според приоритетите.

Грчката влада размислува и за враќање на далечинското работење за да заштеди енергија во компаниите, како и препораки за намалување на употребата на автомобили за патен транспорт.

Грчката влада презема и мерки кои вклучуваат превентивно заштеда на електрична енергија, а покрај овие мерки, грчката влада веќе презеде мерки за обезбедување доволно енергија и сигурност во снабдувањето.

Одлучено е да се изнајми танкер за складирање на течен гас на 12 месеци, кој ќе биде трајно закотвен на постоечкиот островски терминал за LNG недалеку од Атина, со што ќе се зголеми капацитетот за складирање.