Грција котира на листата омилени дестинации-Кои места се најдобри летово за одмор?!

Добивај вести на Viber

Голем број Грци можеби заминуваат од својата земја која е погодена од кризата, но таа земја и понатаму е магнет за туристите.

Грција без разлика на кризата е првата омилена дестинација на богатите туристи.

[button color="orange" size="medium" link="http://faktor.mk/2016/05/28/kade-letovo-18-neverojatno-ubavi-mesta-za-letuvane-vo-grtsija/" target="blank" ]КАДЕ ЛЕТОВО: 18 неверојатно убави места за летување во Грција[/button]

Од 15 популарни светски дестинации на богатите патувачи, во Грција се наоѓаат три, според листата на компанијата Свичфлај, составена врз основа на должината на престојот на тие дестинации.

Престолнината на Грција, Атина, позната по Акропол и Партенон, како и по масовните протести против новите мерки за штедење, ја зазема четвртата позиција на листата после Сеул, Дубаи, и Милано, додека живописните грчки острови Крит и Миконос, исто така се најдоа на листата најпопуларни туристички места за патници кои летаат со прва класа и престојуваат во хотели со пет звезди.

„Економските, социјалните и политичките настани секоја година влијаат на туристичките трендови. Оваа година е забележан раст на патувањата во Грција, бидејќи економската криза во таа земја аранжманите ги направи подостапни“, изјави извршниот директор на Свичфлај.

[button color="orange" size="medium" link="http://faktor.mk/2016/05/19/letuvane-za-100-evra-eve-kade-mozhete-da-uzhivate-letovo-za-dhabe/" target="blank" ] ЛЕТУВАЊЕ ЗА 100 ЕВРА: Еве каде можете да уживате летово за „џабе“![/button]

Просечен луксузен одмор трае подолго од недела дена, при што должината на престој варира од 8,3 дена во Мајами (на Флорида) до 13 дена во Сеул, според анализата на Свичфлај.

Во Европа, како што се наведува, седум од 15 најпопуларни дестинации, во Азија има шест, Мајами е единствена дестинација во Северна Америка, додека во Јужна Америка тоа е Сао Пауло.

Веста дека се поголем број на богати туристи се упатуваат кон Грција е една од светлите точки во услови на тмурната ситуација која ја зафати таа земја, и која оваа година, според прогнозите, би можела да регистрира негативен економски раст, што би бил седми годишен пад на БДП за последните осум години, оценува Блумберг.

[button color="orange" size="medium" link="http://faktor.mk/2016/04/12/letuvane-bez-guzhvi-na-pola-tsena-i-bez-goreshtini-vi-otkrivame-kako/" target="blank" ]ЛЕТУВАЊЕ БЕЗ ГУЖВИ, НА ПОЛА ЦЕНА, И БЕЗ ГОРЕШТИНИ: Ви откриваме како![/button]