Грците повлекле 100 милијарди евра депозити
Објавено во: Економија 31 Март, 2015
Над сто милијарди евра биле повлечени од депозитите во грчките банки од почетокот на кризата до сега, што го доведе банкарскиот систем до хеморагичен шок, пишува грчкиот весник „Имерисија“.
Пред почетокот на кризата банкарските депозити на Грците изнесувале 235 милијарди евра, а по почетокот на кризата износот е намален на 133 милијарди евра.
Само во февруари оваа година од банките се повлечени над седум милијарди евра, најмногу поради стравот кој настапил пред договорот со доверителите на 20 февруари, а исто така и од загриженоста дали воопшто ќе има таков договор.
Голем дел од средствата се изнесени во странство, друг дел граѓаните ги чуваат во своите домови, а голем дел од своето богатство домаќинствата го користеле за неодложни потреби.