Груевски го коментира „Рекет“
Објавено во: Македонија 04 Септември, 2019
Поранешниот премиер активен на социјалните мрежи, утрово со нов пост.
Никола Груевски го коментира „Рекет“ пишувајќи дека во сенка на тој корупциска скандал останале неколку крупни работи од кои државата и граѓаните ќе имале како што пишува, огромна штета.
„Од она што видовме од медиумите главниот сведок во случајот “Рекет” во одсуство на домашни здрави и нормални институции, во ситуација кога мафијата си ја контролира државата или поточно кога државниот врв стои зад мафијата, бил принуден за да докаже под каков терор со изнуди се наоѓа, да се обрати до службата на една соседна земја со која тој имал добри лични релации и како што стои во медиумите бил и нејзин државјанин“- пишува Груевски кој ужива политички азил во Будимпешта.
Тој наведува „тоа значи дека комплетниот снимен компромитирачки матерјал за актуелното раководство на државата и владејачката партија вмешано во аферата го има службата на соседната земја“.