Груевски и Мијалков заедно со семејствата се ставени на црната листа на САД

Добивај вести на Viber

САД ги смести eкс премиерот Никола Груевски и екс шефот на УБК, Сашо Мијалков на американската црна листа. 

Американскиот Стејт департмент ги стави на црна листа поранешниот премиер и Мијалков, заедно со семејствата.

Како што се наведува, тие се црната листа поради корупција, односно нивните дела го поткопуваат владеењето на правото, демократските институции, јавните процеси и јавната доверба во владата.

„Постојат веродостојни информации дека Груевски ја злоупотребил моќта на својата функција за да бара и зема мито во замена за владини договори, присвојувал државни средства и се мешал во избворните процеси за да има политичка корист за себе и за неговата партија“, се наведува во одлуката.

Стејт департментот наведе дека Мијалков го злоупотребил овластувањето на функцијата за да бара поткуп за склучување владини договори, а се мешал и во изборните процеси за своја и политичка корист на партијата.