Добивај вести на Viber
Иако специјалната обвинителка Фатиме Фетаи пред точно два месеци на рочиштето за „Насилство во Центар“ побара Никола Груевски да биде приведен ако не доажа на време, поранешниот премиер и на денешното судење за истиот случај задоцни 15 минути.
По овој потег на обвинетиот за случајот со „нарачките на шамари“ Фетаи повторно не остана рамнодушна и побара Груевски да биде приведен и донесен со полиција на следното рочиште, доколку продолжо да тера по старо.
Инаку рочиштето за предметот ,,Насилство” и денеска се одложи, а причина за тоа е што обвинетиот Митко Пецов се разболел и не присуствуваше на седницата. На судењето требаше да сведочи експретседавачот на Советот на Општина Центар, Мирослав Шиповиќ, но и тој не се појави на судењето.
Фетаи на 13 јули побара да биде приведен Груевски бидејќи постојано доцни на рочиштата.
-Според член 380 став 3 од Законот за кривична постапка, треба да биде приведен, ова не е во ред. Вас не ве почитува чесен суде, не нас обвинителите. Пратете полиција по него, поминаа 20 минути како го чекаме сите овде седнати во судницава – се пожалија тогаш Фетаи и вториот обвинител Гаврил Бубевски.
По ова, Груевски влезе во судницата, по што доби опомена од судијата Душан Јосифов дека пречесто доцни.