23 Октомври, 2018
0.3085
    ALK 8526.54    4.89%     BESK 10210    7.77%     CEVI 1050    5%     FERS 68126    10%     GRNT 882.5    6.37%     KJUBI 1551    6.23%     KMB 5567.22    7.07%     KVAS 15500    10.27%     MKSD 235    8.8%     MPOL 350    9.72%     MPT 50055.82    4.86%     MTUR 5200    7.95%     OHB 6778.6    3.49%     OKTA 5136.53    6.07%     PPIV 47553.12    5.67%     REPL 68000    2.36%     RZLV 70    8.53%     RZUS 130.29    8.58%     SBT 2534    9.99%     STB 1260.59    9.65%     STBP 1191.32    8.3%     STIL 147.83    9.5%     TEL 302    4.86%     TETE 2420    10%     TKVS 5661.18    5.82%     TNB 15271.57    3.89%     TPLF 907    9.95%     TTK 1290.1    9.9%     UNI 2437.07    5.96%     ZILU 256    9.87%     ZPKO 2828.24    -0.87%

Хаџимишев: Битар холдингс во ТЕ-ТО непазарно купил гас и продал струја за 170 милиони евра

Објавено во: Економија 21 Септември, 2018

Апелациониот совет направил уште поголема незаконитост од првостепениот суд кога ја потврдил одлуката ТЕ-ТО да оди во стечај и ги одбил жалбите на најголемите доверители, затоа што неговата одлука е конечна а ја донел знаејќи ги сите факти за незаконитостите направени во постапката, рече денеска Димитар Хаџимишев, директор на Топлификација. Оваа компанија е еден од најголемите доверители во ТЕ-ТО и плус акционер кој во гасната централа поседува над 10 отсто од капиталот. Со прогласувањето на стечајот, се брише долгот кон Топлификација од 30 милиони евра. Хаџимишев обвинува дека ова е скандалозно и тврди дека се вплеткани повеќе страни.

„Целокупниот тек на процесот и сите активности реализирани во овој процес укажуваат на организирана структура во која освен ТЕ-ТО се вклучени и други субјекти од одредени државни институции, вели Хаџимишев.

Топлификација поднесе кривични пријави, а според информациите случајот го истражува и Управата за финансиска полиција. Хаџимишев вели дека на таков начин ќе се обидат да спречат, како што вели, организиран грабеж на над 30 милиони евра побарувања признати од ТЕ-ТО.

Инаку како што веќе и пишувавме во време кога е поднесен предлогот за стечај на ТЕ-ТО, централата има долг од над 170 милиони евра кон таканаречени необезбедени доверители меѓу кои освен Топлификација, се и Комерцијална банка, турската компанија Гама гуч, но и други фирми и државни институции. На сите нив, со планот за реорганизација, треба да им се отпишат 90 отсто од побарувањата, а да им се вратат по 10 отсто и тоа на два пати во 2028 и во 2029 година.

Хаџимишев и претходно обвинуваше дека целиот случај е проследен со низа нерегуларности. Топлификација има 10,8 отсто во ТЕ-ТО, а мнозински сопственик е Битар Холдингс лимитед кој поседува 89,2 отсто од капиталот. Од Топлификација тврдат дека ТЕ-ТО си го отворил стечајот сам на себе, по пресудата на Врховниот суд од декември лани во која тој го прифати барањето на Топлификација дека заемите дадени од Топлификација на ТЕ-ТО во периодот на градба на објектот се достасани и ТЕ-ТО треба да и плати на Топлификација околу 6,2 милиони евра главен долг, а со камата вкупно 11,4 милиони евра.

Инаку Хаџимишев тврди дека има индиции дека ТО-ТО непазарно купувал природен гас и продавал електрична енергија надвор од државата. На прашање што превземаат за тоа како акционер во ТЕ-ТО вели дека ќе почекаат истрагата да утврди.

„Ние уште на првата прес конференција рековме дека за оваа работа има јавно признание во планот за реорганизација. ТЕ-ТО правел загуби од 2013 до 2017 бидејќи бил условен да купува природен гас од оф шор компанијата Синтез груп енерџи и да продава електрична енергија на македонска фирма која мора да ја продаде надвор повторно на дефинирана фирма. Значи јавно признание дека ТЕ-ТО работел непазарно на двата сегмента. ТЕ-ТО во тој период купил 110 милиони евра гас од таа фирма и продал 60 милиони евра струја. Во пакет 170 милиони евра договори согласно нивното признание, биле непазарно процисуирани. А зошто му требала фирма посредник за купување гас, па и други фирми од Македонија си купуваат гас без посредници, вели Хаџимишев.

Вели дека при крај е истрагата и за постапка која е на штета на корисниците на топлинска нерегија и дека ги виделе документите, кои според него се шокантни.

А.Т.


Можеби ќе ве интересира

РЕБАЛАНС НА БУЏЕТ: Со колку пари Владата ќе ги одглавува задолжените општини

РЕБАЛАНС НА БУЏЕТ: Со колку пари Владата ќе ги одглавува задолжените општини

Државата ќе враќа општински долгови, одговорност од градоначалници нема

Државата ќе враќа општински долгови, одговорност од градоначалници нема

СТАТИСТИКА: Што јадат и пијат Македонците?

СТАТИСТИКА: Што јадат и пијат Македонците?

Од Владата се бара противпожарен авион

Од Владата се бара противпожарен авион

Што и стори гласањето за уставните измени на берзата?

Што и стори гласањето за уставните измени на берзата?

Светот се тресе, Арапите имаат адут во раката

Светот се тресе, Арапите имаат адут во раката

ОБЈАВЕНА ЛИСТА: Ова се најмоќните муслимани во светот

ОБЈАВЕНА ЛИСТА: Ова се најмоќните муслимани во светот

ОГЛАС: Се бараат 33 работници за плата до 23.000 денари

ОГЛАС: Се бараат 33 работници за плата до 23.000 денари

Сите би сакале плати како нивните - топ македонски професии

Сите би сакале плати како нивните - топ македонски професии