Хан ги убедува Австријците дека преговорите со Македонија се позитивни

Добивај вести на Viber

Започнувањето на преговорите за прием на Македонија и Албанија во ЕУ се позитивни за стабилноста на регионот, истакна еврокомесарот за проширување Јоханес Хан во интервјуто за австрискиот дневен весник „Тиролер тагесцајтунг“

Во јуни 2019 година, може да започнат разговорите за пристап со Албанија и Македонија. Сепак, мнозинството Австријци се против проширувањето на ЕУ. Како намерувате да ги убедите?, е едно од поставените прашања.

Спомените за економската и миграциската криза не можат да се избришат од нашите сеќавања. Мислењето е дека ќе биде подобро да не излегуваме од нашите рамки. Но, прашањето е дали сакаме да извезуваме стабилност или да внесуваме нестабилност. Особено Австријците имаат искуство со балканската војна, кога многу повеќе бегалци дојдоа во земјата отколку во 2015 година. Значи, во таа смисла, ЕУ треба во овие земји да извезе стабилност - безбедносна и економска - одговори Хан, кој и самиот е Австриец.

Многу од новите земји-членки сеуште не се прифатени во главите на многу Австријци како еднакви. Дали е премногу рано (за преговори)?

- Доколку Романија или Бугарија не беа членови, можеби долго време ќе изгубивме да ги интегрираме во демократското семејство - вели тој.

Европскиот комесар за проширување и соседска политика изјави дека пристапните преговори во иднина ќе траат подолго од претходно. Тој посочи дека ЕУ извлече поука од досегашните пристапни процеси.

– Квалитетот пред брзината, Процесите кои ги поттикнуваме на Западен Балкан би требало да добијат многу поголемо ниво неповратност кога станува збор за воспоставување на владеење на правото и борба против корупцијата, наведе Хан.

Во преостанатиот дел од интервјуто Хан одговара на прашања поврзани со емигрантската криза и растечкиот популизам кај политичарите во Европа.