Хилари Клинтон и Доналд Трамп гласаа, сега народот ќе одлучи
Објавено во: Свет 08 Ноември, 2016
Претседателските кандидати Хилари Клинтон и Доналд Трамп ги дадоа гласовите на претседателските избори во својата матична сојузна држава Њујорк, поранешната државна секретарка гласаше во Чапаква, додека пак милијардерот се појави на гласачкото место во Менхетен.
Двајцата беа придружувани од сопружниците и децата, а пред да го положат гласачкото ливче се поздравија со насобранит граѓани кои со нетрпение очекуваа да ги видат своите кандидати уште од раните часови.
Според сите анализи и анкети изборите ќе бидат многу тесни и ќе се бројат сите гласови за освојување на победа. Клучни ќе бидат неопределените сојузни држави кои ги менуваат често партиите и може да одберат и меѓу Републиканците или меѓу Демократите.
Во пребројувањето на гласовите ќе се пренесат и делегатите од секоја сојузна држава кои потоа во улога на електори ќе се одлучат или за Трамп или за Хилари. Првите неофицијални резултати се очекуваат изутрина.