Хрватска донесе одлуки кои ги засегаат Македонците кои планираат да работат кај нив

Добивај вести на Viber

Нови услови ќе има за сите Македонци кои планираат наскоро да работат во Хрватска. 

Земјата ќе го либерализира увозот на работна сила од трети земји.

Од 2021 година би требало да има две значајни промени: намалување на стапката на данок на доход и либерализација на увозот на работна сила од трети држави односно земји што не се членки на Европската Унија.

Тие промени требаа да стапат во сила годинава, но беше покрената процедура за измена на Законот на странци, а новиот предлог закон вчера е испратен на усвојување во Саборот.

Синдикатите предупредуваат дека со целосната либерализација ќе се предизвика дополнителен притисок врз намалување на цената на трудот.

Сега се предлага од следната година да нема квоти за увоз на работници, туку работодавачите пред да ангажираат странски работници ќе треба да побараат од Хрваскиот завод за вработување (ХЗЗ) да спроведе истражување на пазарот на трудот. Ако се покаже дека нема невработени лица во Хрватска кои ги исполнуваат барањата на работодавачите, фирмата ќе треба да поднесе барање за издавање на дозволи за престој и работа од Минстерството за внатрешни работи, кое по службена должност ќе бара мислење од ХЗЗ.

Земјата во екот на туристичката сезона побарува и до 20.000 работници од странство.