Хрватска ги заборави туристите кои најмногу трошат
Објавено во: Балкан 07 Септември, 2016
Хрватскиот туризам се базира на семејства со деца кои внимаваат колку трошат, но има и посетители кои сакаат да уживаат и да ја посетат земјата надвор од сезона кога нема метеж.
Е-визитор покажува дека се заборавени сениорите. Е-визитор не е само бројач на доаѓања и заминувања, туку помага понатаму да се осмисли туристички маркетинг.
Бројките покажуваат дека во земјата одмарале 13 милиони луѓе, од кои 1,3 милиони се домашни туристи, а заедно оствариле 65.3 милиони ноќевања.
Околу 40% од ноќевањата се од возрасната категорија од 0 до 14 и од 35 до 44 години.
Може да се забележи дека семејствата со деца патуваат за време на празници кога не се оди на настава и внимаваат колку трошат.
Луѓето од 50 до 65 години патуваат во текот на цела година, земаат одмор или спојуваат празници, и трошат повеќе.
Два милини посети имаат направено гости на возраст од 25 до 34 години, но тие немаат многу време и бараат краток и содржаен одмор.