И Амди Бајрам си го кажа мислењето за Законот за јазици
Објавено во: Македонија 11 Март, 2018
Законот за јазици тема која никако да спласне да ја бранува јавноста. По партиски препукувања, објаснувања, надмудрувања од страна на професори и експерти, се изјасни и пратеникот Амди Бајрам.
Амди кој е речиси на страната на секоја политичка гарнитура вели дека законот за јазици е уставно неуставен , но тој сепак ќе го гласа.
За Макфакс пратеникот рекол дека не е некоја голема работа доколку Законот за јазици се излагаса, а нема ниту пречка за тоа.
„Не треба да се одолговлекува. Јас го оценувам законот за уставно неуставен. Надворешниот фактор не притиска, ако сакаме да влеземе во ЕУ и НАТО, мора да се придржуваме кон тоа што тие ќе го кажат. Народот е ставен во психоза, не можеме да просперираме напред без да ги завршиме овие работи“, кажал Амди.