И Меркел е против бурки – жените така нема да се интегрираат
Објавено во: Свет 19 Август, 2016
Германскaта канцеларка, Ангела Меркел смета дека носењето бурка може да се претвори во пречка за интеграција во германското општество.
„Жената, чие лице е целосно затворено едвај ќе има шанса да се интегрира во Германија“- изјави Меркел.
Во однос на целосната забрана на бурки на јавни места, Меркел кажа дека треба да се разгледаат сите политички и правни аспекти, а за самото решение министерот за внатрешни работи, Томас де Мезиер може да смета на нејзината целосна поддршка.
Претходно Де Мезиер изјави во Штутгарт дека има шанси за можна забрана на бурката во поединечни случаи, а целосната забрана на овој вид облека противречи со германскиот Устав. Како пример за ситуации каде што забраната може да стапи на сила, тој го посочи одењето во администрацијата или возењето на возила. Сепак за него целосна забрана би била проблематична.