И Зоран Заев сака да го отвори новото училиште во Капиштец
Објавено во: Македонија 04 Септември, 2019
Иако во понеделникот започна со работа на самиот старт на новата учебна 2019/2020 година со говор на градоначалникот на Општина Центар, Саша Богдановиќ, денеска ќе има уште една свеченост по повод новоотвореното основно училиште „Киро Глигоров“ во скопски Капиштец.
Овој пат во училиштето чија изградба чинеше 5,5 милиони евра предвидено е да се обратат дополнително и премиерот Зоран Заев и министерот за образование и наука Арбер Адеми, како и градоначалникот Богдановиќ.
Центарската населба Капиштец во Скопје конечно доби функционално основно училиште во кое локалните жители ќе може да следат настава, откако учениците до сега мораше да се запишуваат во околните населби во општината. ОУ „Киро Глигоров" започна со работа на првиот училишен ден од новата учебна 2019/2020 година, а тоа е прво изградено училиште во општината по пауза од 50 години.