Идејата и физичките лица да плаќаат ДДВ ја разбранува јавноста

Добивај вести на Viber

Силно критикуваната идеја и физичките лица да плаќаат ДДВ повторно ја разбранува јавноста откако темава се стиши лани.

Советникот на МФ Бранимир Јовановиќ потенцира дека целта на оваа идеја не е да се слеат повеќе пари во буџетот.

Имено, Управата за јавни приходи, им наметнаува нова обврска на физичките лица кои оствариле приход над еден милион денари да се регистрираат како ДДВ обврзници. 

Рокот за регистрација истече пред три дена односно на 15-ти јануари. А токму оваа идеја кренав голем прав во стручната јавност дали постои законска  основа за оданочување со ДДВ на физичките лица, а од УЈП преку соопштение псочуваат дека даночен обврзник може да се биде и правно но и физичко лице кое врши стопанска дејност.

 „Обврзник е секое лице кое врши самостојна стопанска дејност. Тука нема никаква промена направена во изминатиов период. Ова е од секогаш, од самото донесување на законот за ДДВ односно од 1999 година. Прашањето што се поставува е зошто ова порано не се спроведувало?“, изјави Јовановиќ.

Во соопштението на УЈП стои дека како ДДВ обврзници треба да се регистрираат оние лица кои заработуваат како вештаци, стечајни управници, потоа врз основа на наемнини, авторски договори, договори на дело, членување во надзорни одбори, земјоделска дејност.