ИЛОН МАСК СЕ ЗАГРЕА ЗА КРИПТОВАЛУТАТА: Ќе јадам „хепи мил“ во живо ако „Мекдоналдс“ прифати „доужкоин“
Објавено во: Економија 26 Јануари, 2022
Најбогатиот човек на светот Илон Маск се „загреа“ до криптовалутата доужкоин. Толку многу што го повика „Мекдоналдс“ да го прифати како платежно средство, а за возврат рече дека ќе јаде „happy meal“ во живо на ТВ.
Во преписката со „Мекдоналдс“ на Твитер, ко-основачот на криптовалутата доужкоин, Били Маркус, минатата недела напиша дека почесто ќе оди во нивните ресторани доколку ја прифатат оваа криптовалута.
Еден од најголемите синџири на ресторани за брза храна одговори дека им е мило што Маркус го споделил својат став со нив и дека секогаш се отворени за подобрување на начинот на плаќање.
Инаку во понеделникот вредноста на биткоинот падна на 32 982 долари, што е пад од шест отсто и најниска вредност од јули минатата година.
Но, најголемата крипто-валута полека застанува на нозе и синоќа порасна за 5,6 отсто, со што нејзината вредност сега е 37 183 долари. Сепак, тргувањето со криптовалути станува сè понеизвесно и понестабилно.