ИМА ЛИ НАДЕЖ ЗА ПРАВДА ЗА СООБРАЌАЈКАТА КАЈ МЛЕЧЕН - министерот Маричиќ вели дека не се исцрпени сите правни лекови
Објавено во: Македонија 16 Декември, 2020
Министерот за правда Бојан Маричиќ смета дека се уште има надеж за случајот сообраќајка кај Млечен ресторан, односно дека не се исцрпени сите правни лекови.
„Прво да расчистиме. Станува збор дека Советот на обвинители утврдува дека нема вина кај обвинителката. Но не се исцрпени сите правни лекови, мислам дека има простор пред Апелација да се обрати странката, и да добие нова шанса“, рече Маричиќ.
Наташа Димитриевска пред емисијата побара мислење од министерот Бојан Маричиќ, кој вчера гостуваше во ТВ21 во „Клик Плус“ за сообраќајката кај „Млечен ресторан“ во која таа го загуби сопругот и нејзиното неродено дете.
Министерот додаде дека за правда има многу елементи кои јавуваат јавен сомнеж, и сето тоа треба да биде испитано. Дополни дека Врховниот суд може да помогне многу во насочување на вакви случаи.