Има ли опасност од обновен национализам во Грција?
Објавено во: Балкан 26 Мај, 2018
Аугустин Зенакос дописник на ЕУОбзервер од Атина пишува дека на 19 мај толпа луѓе го нападна градоначалникот на Солун, Јанис Бутарис, за време на јавна церемонија за
Денот на геноцидот.
„Инцидентот започна со извици и навреди: „Оди си, не те сакаме овде!“, „Валкан Евреину!“, „Ти скопјанец, анти-Грк, валкан Турчин, предавник..“, „Треба да бидеш обесен“... Потоа неколку луѓе, меѓу кои и некои што ги носеа амблемите на здруженијата што ја организираа церемонијата, почнаа да го туркаат градоначалникот. Други почнаа да фрлаат пластични шишиња и разни предмети по него. Неговите придружници се обидоа да го издвојат, но толпата го следеше до неговиот автомобил. Луѓето го удираа по главата. Еден го удри во стомакот. Кога стигна до својот автомобил, еден човек ја удри вратата, а друг проби низ задниот прозорец. Како што автомобилот забрза, луѓето почнаа да ракоплескаат и да навиваат“- пишува тој.
Но, ова не е прв напад од ваков вид, додава новинарот. Во текот на последните години од финансиската криза во Грција имаше неколку инциденти каде што толпи вербално или физички напаѓаа политичари или претставници на печатот.