Имотот на манастирот „Св.Наум“ во државни раце – Тимотеј го загуби спорот!

Добивај вести на Viber

Владиката Тимотеј, архиереј на Дебарско-кичевската епархија, го загуби спорот пред Управниот суд за експропријацијата на земјиштето на манастирот „Св.Наум“. Тимотеј ја тужеше државата заради обидот да го одземе ова земјиште за изградба на туристички комплекс. Владиката тврдеше дека земјиштето се одзема по багателна цена, во момент кога црквата не е заинтересирана да го продава. „Синодот на МПЦ со жалење ја прими информацијата на надлежниот епархиски архиереј на Дебарско кичевската епархија г.Тимотеј за неговиот исход во судскиот спор пред Управниот суд во Скопје за процесот на експропријација на имотот на манастирот „Свети Наум Охридски“, со што негативно ќе влијае на понатамошниот духовен раст на ова наше вековно светилиште“, стои во денешното соопштение од седницата на Синодот, без да се наведта повеќе детали. На ова земјиште туристички комплекс најпрвин требаше да гради индискиот бизнисмен Субрата Рој, но тој се откажа кога дозна дека црквата ја оспорува експропријацијата. Државата сепак одлучи земјиштето да го одземе и да бара инвеститор. Со одлуката на Управниот суд, МПЦ веќе нема право на овој имот со површина од околу 18 хектари.