Инспекторатот ќе истражува дали имало непрофесионализам во последните смртни случаи на млади од Ковид-19 во Македонија

Добивај вести на Viber

Државниот санитарен и здравствен инспекторат се вклучува во истрага за тоа дали имало непрофесионализам и пропусти при третманите на младите лица кои во изминатиот период починаа од Ковид-19 поради што беше предизвикана вознемиреност кај јавноста. Дополнително, денеска министерот за здравство, Венко Филипче, потврди дека бројот на смртноста на дневна основа го зголемил својот просек од 6,5 на 8 случаи дневно. Апсурдот е тоа што додека се зголемува бројот на починати, се намалува бројот на хоспитализирани пациенти.

„Во тек е постапка за вонредни инспекциски надзори заради вознемиреност во јавноста, за последните неколку смртни случи, особено кај четворицата млади луѓе што починаа пред два дена- 29  годишната струмичанка, за 23 годишната девојка од Скопје, починатиот од  Крива Паланка и други случаи, “, изјави за НОВА, д-р. Ирина Сотирова Бухова, директорка на ДСЗИ.

Најголем сомнеж во здравствените способности и третман предизвика смртниот случај на 35 годишната ресенчанка која почина пред две недели во нејзиниот дом, а таму веќе се констатирани пропусти во лекувањето. 

„При третата посета после еден месец на 20 мај пристигнати биле резултатите од ПАП тестот, но пациентката не се вратила со лабораториските резултати од 13 март, а лекарката гинеколог не ги симнала од „Мој термин“. Во присуство на инспектори од ДСЗИ, резултатите се испечатени и е констатирано покачен шеќер  во крвта, дури 13,46 и лесно покачен TSH(тироида) Докторката се правдала дека не знаела дека резултатите и стигнуваат во „Мој термин“ и во корона ситуација“, вели Сотирова Бухова.