ИНТЕРВЈУ СО МАГДАЛЕНА ХАМБОВА: Мебел 2018 ќе биде со рекордна посетеност

Добивај вести на Viber

Магдалена Хамбова, прект-менаџерот на Скопски Саем, во интервјуто за „Фактор“  најавува нови содржини и услови под кои ќе се одржи годинешниот „Мебел 2018“, кој од оваа година ќе биде организиран во СРЦ „Борис Трајковски“.

1.Мебел 2018 – го очекуваме во октомври. Дали есенскиот период е подобар за ваков вид на саем?

Најатрактивната и најпосетена саемска манифестација - Саемот за Мебел оваа година ќе се одржи од 05 до 10 октомври на целокупниот комплекс во ВИП Арената Борис Трајковски. Во контакти со излагачите и нивно мислење околу терминот, заеднички констатиравме и се договоривме дека октомври е погоден термин за одржување на саемот. По завршување на саемот, повторно заедно ќе се договориме дали повторно ќе го организираме во месец март другата година.

2.Мебел 2018 е  со нова локација?

Да, Саемот на Мебел оваа година ќе се одржи на нова локација на целокупниот комплекс Борис Трајковски  во три хали,во Вип Арената и во две современи монтажни изложбени објекти поставени во надворешниот дел на комплексот, или на вкупна површина од 8.000 м2. На истиот свое учество најавија најголемите производители и трговци со мебел од земјава и регионот. Со самото  тоа може да се очекува дека понудата на најнови дизајни на мебел ќе биде мошне богата и разноврсна за сечиј вкус.

Со оглед на позитивното искуство што го имавме за времетраењето на Саемот на книга 2018, Скопски саем е во преговори за  повторна соработка со ЈСП и воведување на привремени атобуски линии за време на саемот до комплексот на ВИП Арена Борис Трајковски, со што достапноста за посетителите на саемот е зголемена.

3.Дали имаме повеќе македонски производители на мебел годинава?

Бројот на македонски компании кои произведуваат мебел од година во година станува се поголем. Покрај тоа, тие имаат да понудат и несекојдневен дизајн  и врвен квалитет. Публиката веќе ги препознава и ги цени, а нам ни е особено драго да ги има во поголем број и да имаат поголема продажба на самиот саем.

4.Колку странски учесници имаат интерес да се појавата на нашиот Мебел 2018?

Традиционално, како и секоја година има огромен интерес за учество на компании од соседните земји и пошироко како Србија, Хрватска, Бугарија, Словенија, Турција и друуги, или се претставуваат преку нивните застапници во земјава.

5.Што очекувате од Мебел 2018 во однос на посетата?

Саемот на Мебел, очекуваме како и Саемот на книгата да урне рекорди од 50000 посета, бидејќи покрај голема понуда што ќе ја има саемот, ќе има голем број на награди за посетителите од страна на организаторот.

САЕМСКА ТРИЛОГИЈА ВО ОКТОМВРИ

Покрај Саемот на Мебел, во октомври од 24 до 28 октомври ќе се одржи најголемиот деловен саем ТЕХНОМА, заедно со Саемот на градежништво и Реалекспо во комплексот ВИП Арена Борис Трајковски.