21 Септември, 2020
0.0171

ИНВЕСТИЦИИ, ЕВТИНИ КРЕДИТИ И ИЗВОЗ - бизнисот кажа што ќе ни донесе НАТО

Објавено во: Економија 31 Март, 2020

Бизнисот го поздравува влезот на земјава во НАТО и смета дека тоа ќе биде значајна придобивка за земјава. 

Од Стопанската комора на Македонија велат дека нашата земја и формално стана членка на НАТО што е голем ден за македонската држава и важен момент во нашата историја. 

„Остварена е повеќедецениската стратешка цел за која низ годините анкетите постојано покажуваа многу висока поддршка од граѓаните. Стопанската комора на Македонија го поздравува чинот на влез на земјава во НАТО“, вели Зоран Јовановски, главен советник на Управниот одбор на Стопанската комора на Македонија за економски прашања.

Тој нагласува дека влезот во НАТО е значајна придобивка за една земја. Придобивката е уште поголема кога земјата е мала и самата има многу ограничени ресурси за самостојно развивање на капацитетите на одбраната. Притоа, стабилизирањето на безбедносната ситуација на земјата создава услови и за поширок развој на самото општество, демократијата итн.

„Но, влезот во НАТО отвора и значајни перспективи на економски план. Во моментов сите сме преокупирани со коронавирус кризата, но таа во еден момент ќе помине и тогаш ќе почнат да се материјализираат придобивките и за македонската економија“, велат од комората.

Еве кои се според нив, клучните точки.

Прво за инвестициите. За земја како нашата, која е мала и не е богата, отстранувањето на безбедносниот ризик е важна работа. Тоа ќе овозможи да се зацврсти перцепцијата за македонската економија како атрактивна дестинација како за нови странски директни инвестиции, така и за поголеми домашни инвестиции.

Понатаму, за цената на позајмувањето. Со перцепцијата за намален ризик на земјата, барем во делот на безбедносниот ризик, ако се’ друго е непроменето, се намалува и цената по која земјата позајмува на меѓународните пазари на капитал. Ова значи можност за обезбедување поевтино финансирање на капиталните инвестиции на државата во иднина.

За можностите за извоз. Влезот во НАТО значи и можност за македонските компании да продадат свои производи за задоволување на дел од потребите на НАТО. За своите набавки НАТО има посебен интернет сајт. Таму стои дека компаниите што сакаат да бидат добавувачи на НАТО мора да се основани во земји членки на НАТО. Македонските компании сега веќе влегуваат во оваа група и за нив ќе се отворат нови перспективи во иднина. 

Можеби ќе ве интересира

НАРОДНА БАНКА: Раст на депозитите и на кредитната поддршка и во текот на август

НАРОДНА БАНКА: Раст на депозитите и на кредитната поддршка и во текот на август

ГОЛЕМА РАЗЛИКА: Дојденците во Германија земаат помали плати од Германците

ГОЛЕМА РАЗЛИКА: Дојденците во Германија земаат помали плати од Германците

Просечната нето-плата повторно над 27.000

Просечната нето-плата повторно над 27.000

ОД НОЌЕСКА ПОСКАПИ ГОРИВА - бензините одат нагоре за два денари, дизелот за половина денар

ОД НОЌЕСКА ПОСКАПИ ГОРИВА - бензините одат нагоре за два денари, дизелот за половина денар

Генералниот директор на ТАВ заминува од Македонија

Генералниот директор на ТАВ заминува од Македонија

ССК предлага 25 мерки за помош до државата

ССК предлага 25 мерки за помош до државата

ДИРЕКТОРОТ ВО ФОРБС, РЕНДАЛ ЛЕЈН, ВО ИНТЕРВЈУ ЗА ФАКТОР: А зошто не би можел некој нов Фејсбук да никне во Македонија

ДИРЕКТОРОТ ВО ФОРБС, РЕНДАЛ ЛЕЈН, ВО ИНТЕРВЈУ ЗА ФАКТОР: А зошто не би можел некој нов Фејсбук да никне во Македонија

Во Македонија ќе се регулира работењето од дома, но во 2021

Во Македонија ќе се регулира работењето од дома, но во 2021

ЛДП: „Викенд без ДДВ“ во наредните недели

ЛДП: „Викенд без ДДВ“ во наредните недели