Добивај вести на Viber
Групата Исламска држава обучила меѓу 400 и 600 борци да извршат смртоносни напади во Европа, пренесоа американските медиуми, повикувајќи се на свои извори.
За таа цел ИД распоредила на континентот терористички ќелии, како оние кои ги извршија нападите во Париз и Брисел, кои убија над 160 жртви, а повеќе од 650 беа повредени. Џихадистите имале наредба да изберат вистинско време, место и метод со цел предизвикување на максимален број жртви. Мрежата од подвижни и полуавтономни клетки го покажува капацитетот кој милитантната група го има во Европа, иако губи терен во Сирија и Ирак, забележуваат агенциите.
Меѓу изворите на кои се повикува агенцијата, се претставници на европското и ирачкото разузнавање.
Се создаваат специјални единици кои ги тренираат подолго. Нивна задача е да убиваат што е можно повеќе луѓе, и да вршат многу сложени терористички операции. Со тоа властите се принудени да трошат повеќе средства и човечки ресурси за да се спротистават на атентаторите.