ИСТРАЖУВАЊЕ: Овие народи пијат најмногу кафе
Објавено во: Свет 13 Април, 2017
Според анализата на Consumer Market Outlook 2016 најмногу кафе пијат Финците.
Извештајот на компанијата покажува дека во оваа нордиска земја пијат 10,35 килограми кафе по глава на жител, што ги прави Финците најголемите фанови на чаша топло кафе во Европа и Северна Америка.
На второ место на листата е повторно европска земја - Холандија. Според извештајот Холанѓаните ќе испијат во просек 9,58 килограми кафе по глава на жител во 2017 година.
Интересно е дека оваа земја е единствената нација во топ 5 на листата, која не е од Скандинавија. По неа следуваат Шведска, Данска и Норвешка.
Италија - татковината на еспресото, е на 7-ма позиција со 6,69 килограми кафе по глава на жител, а САД се едвај на 18-то место со 4,43 кг.
Бугарија е на 26-то место во Европа и Северна Америка, а во 2017 година се очекува да испијат едвај 3,33 килограми кафе по човек. Зад Бугарија се само Латвија, Канада и Романија.Хрватите пијат во просек по 4.15 килограми кафе по жител, Словенците по 4.61 килограм, а Грците по 4.52 килограми.