ИЗБРАНА НОВАТА ВЛАДА НА КОВАЧЕВСКИ - ќе успее ли „технократот“ за две години да ги реши проблемите и да го подобри животниот стандард
Објавено во: Македонија 17 Јануари, 2022
Димитар Ковачевски е новиот премиер, а тој и неговата Вла отсега па натаму ќе бидат одговорни за спроведување на политиките со кои земјава треба да ги надмине политичките и економски проблеми и да го подобри животниот стандард на граѓаните.
Ова следува откако Собранието доцна синоќа, со 62 гласа „за“ и 46 „против“, ја изгласа новата владејачка гарнитура.
Новата Влада ќе има пократок мандат од вообичаено, две години, но има бројни предизвици со кои ќе мора да се справува, а тоа е се пред се, на економски план енергетската криза и растечката инфлација, на здравствен се уште незавршената пандемија, но има и голем политички предизвик, односно се уште нерешениот проблем со Бугарија, за кој веќе добро се знае дека работите ќе одат многу тешко за негова солуција.
Прв вицепремиер за политички систем останува да биде Артан Груби од ДУИ, а од СДСМ вицепремиер за економски прашања ќе биде Фатмир Битиќи.
Бојан Маричиќ од правда од да биде вицепремиер за евроинтеграции, додека, пак, против корупцијата ќ се бори Славица Грковска,која ќе биде вицепремиер и која е едно од најголемите изненадувања во новиот состав на Вадата.
Славјанка Петровска ќе биде министерка за одбрана, Оливер Спасовски министер за внатрешни работи, Никола Тупанчевски министер за правда, Љупчо Николовски министер за земјоделство, Јована Тренчевска министерка за труд и социјала, Бисера Костадиновска-Стојчевска министерка за култура, Благој Бочварски министер за транспорт и врски.
Од редовите на ДУИ, покрај Груби, министер за образование и наука ќе биде Јетон Шаќири, досегашниот министер за информатичко општество и администрација, а за ивотна средина останува Насер Нуредини. Местото го задржува и Горан Милевски од ЛДП, кој ќе биде министер за локална самоуправа.
Како што е познато, Алтернатива, како услов да влезе во Владата побара три министерски места, а тие се новиот прв министер за здравство, Беким Сали, за информатичко општество Адмирин Алити и Џемаил Чупи ќе биде министер без ресор, одговорен за дијаспората.
Н.Н.Ф.