Изречена првата казна за носење бурка во Пазарџик
Објавено во: Балкан 16 Мај, 2016
Жена на возраст од 30 години од ромското маало Исток во Пазарџик, Бугарија е казнета за носење бурка.
Ова е прва ваква санкција, откако минатата среда стапи на сила забраната, соопштуваат од Министерството за внатрешни работи во Бугарија. Според одлуката на општинските советници глобата за прв ваков прекршок е 300 лева, а за секој нареден ќе се плаќаат по 1000 лева. На крстосница во населбата Исток, полициска патрола ја видела жената и ја казнила. Со тоа таа ја прекршила забраната за носење на таков тип облека на јавни места.
Бурката е забранета во Пазарџик, Стара Загора, а за истата мерка размислуваат повеќе општини во земјата. Целта е да се спречи ширењето на радикалниот ислам во Бугарија.