ИЗВОЈУВАНА УШТЕ ЕДНА БИТКА: Косовските граѓани ќе патуваат без визи

Добивај вести на Viber

Koсовските граѓани повеќе нема да чекаат ред за визи кога ќе сакаат да отпатуваат во некоја од европските земји. 

Земјата е на чекор до визна либерализација, откако денеска ЕП одлучи да се отворат преговорите за да се олесни овој процес за Косово. Известувачот за либерализација во парламентот, Тања Фајон рече дека Косово ги исполни сите услови и побара поддршка.

Сега европратеничката Фајон ќе ги води разговорите со земјите членки, а за конечната одлука треба да се изјаснат сите министри за внатрешни работи. Првично беше предвидено за визната либерализација на Косово да се гласа во октомври, но парламентарните групи побараа работата да се забрза. Првиот состанок на работната група ќе се одржи во текот на наредната недела, а процедурата ќе заврши за шест месеци.

Според, европската комисија, Косово ги исполни сите 95 услови и во јули беше предложено да се либерализира визниот режим за земјата, чии граѓани единствени во регионот не можат да патуваат без виза во земјите на Шенген зоната.

Косовските власти ја поздравија денешната одлука на ЕП. Ова е јасна порака и за другите институции кои одлучуваат во ЕУ, вели претседателот Хашим Тачи. Тој е уверен дека граѓаните на Косово по долгиот и напорен пат за кратко време ќе бидат рамноправни со сите граѓани во европското семејство. За министерот за надворешни Беџет Пацоли, Приштина надминала уште еден предизвик.

И албанскиот премиер Еди Рама ја поздрави одлуката.