Јаким Неделков: Легна зголемена плата за 12 отсто на сметките
Објавено во: Економија 22 Април, 2024 12:14
Лидерот на синдикалната организација СОНК, Јаким Неделков,денеска претпладне ги извести културните работници дека им е легната зголемена плата од 12 отсто на сметките. Претходно синдикатот најавуваше протест затоа што беше неизвесно дали Министерството за финансии ќе одобри зголемување, а платата им доцнеше подолго од законски предвидениот рок.
„Само СОНК може со најава на протест да ги оствари своите барања веднаш! Денес почна исплатата на зголемена мартовска плата за 12 проценти во културата!“, објави Неделков на социјалните мрежи.
Пред Министерството за култура имаше протест поради доцнењето на платите во културата и наводен обид да се скрати нивното право за усогласување на платите со постоечките колективни договори.
Претходно, претседателот на СОНК Јаким Неделков на прес-конференција рече дека веројатно ќе донесат одлука за протест, иако е период на избори, а ако проблемот се продлабочи, рече, веројатно ќе донесат одлука и за генерален штрајк во установите од културата.
СОНК изрази незадоволство од доцнењето на платата за март која, според Општиот колективен и Колективниот договор во областа култура, вработените треба да ја примат до 15-ти односно до 10-ти во месецот.
Согласно усогласувањето на платите со минималната плата во државата, мартовската плата требаше да им биде зголемена за 12 отсто. Пресметките биле изготвени од установите за култура, но наводно немало одобрување од Министерството за финансии и покрај ветувањата на ресорната министерка.
Можеби ќе ве интересира
Огромен интерес и внимание за македонската делегација на глобалниот самит во Баку – Силјановска и Божиновска во центарот на глобалните дискусии
СТАНБЕНА КРИЗА ВО ЕВРОПА: Речиси 900.000 луѓе се без дом
АМЕРИКАНЦИТЕ ОЧЕКУВААТ ПОСКАПУВАЊЕ НА НАМИРНИЦИТЕ: Колку се задоволни од работата на Трамп?
„РОДИ МЕ МАЈКО МАЖ И ЌЕ МЕ СТАВАТ ЗА ДИРЕКТОР“ - посилниот пол доминира во управите на најмоќните македонски компании, а „женските“ фирми имаат повеќе успех
„АКО ЕУ НЕ ЈА УКИНЕ ТАРИФАТА ЗА ВИСКИТО, ЌЕ СЛЕДИ ЦАРИНА ОД 200 ОТСТО ЗА ВИНОТO“: Продолжува царинската војна меѓу САД и Европа
JK Travel по втор пат прогласена за најдобра е-продавница за туристички услуги
РАСПРОДАЖБА СО НАМАЛУВАЊЕ НА ЦЕНИТЕ ДО 70 ОТСТО ВО ПОЗНАТ СПОРТСКИ БРЕНД: Компанијата затвора од 1. април по една деценија постоење
ИНВЕСТИТОР ОД АБУ ДАБИ ЌЕ ИНВЕСТИРА 2 МИЛИЈАРДИ ДОЛАРИ ВО КРИПТО БЕРЗАТА БАЈНЕНС: Ова е најголемата поединечна инвестиција во крипто компанија
