Јанша му потврдил на Мицкоски дека не постои нон пејпер кој ги „чепка“ границите на Балканот
Објавено во: Македонија 15 Април, 2021
Лидерот на ВМРО-ДПМНЕ, Христијан Мицкоски кажа дека се слушнал со словенечкиот премиер Јанес Јанша и дека тој му рекол дека не доставил никаков нон пејпер.
„Нема такво нешто, се слушнав со премиерот на Словенија, Јанша. Мислам дека Фајон-Ѓилас и Заев со вакви написи сакаа нешто друго да постигнат“, објасни Мицкоски.
Европската Унија ниту го потврдува, ниту демантира или коментира наводниот нон-пејпер на словенечкиот премиер Јанес Јанша.
Според наводниот нон пејпер се планира поделба на Босна и Херцеговина и создавање голема Србија и голема Албанија. Оваа тема ја засега и Македонија. Јанша демантираше дека постои таков документ, но од Европскиот Совет не стигна таков демант, иако не стигна ниту потврда.
Словенечките европратенички Тања Фајон и Ирена Јовева изјавија дека овој став на Јанша е неприфатлив.
Шефот на словенечката дипломатија, Анже Логар вчера ги негираше тврдењата за наводен нон-пејпер, кој, според некои медиуми во Словенија и БиХ, премиерот Јанез Јанша го доставил до Европската комисија.
Членот на претседателството на Босна и Херцеговина Жељко Комшиќ изјави дека идеите кои се наведени во нон-пејперот, кој во Брисел го испрати словенечкиот премиер Јанез Јанша, не се нови, туку постоеја и пред почетокот на војната во БиХ, истакнувајќи дека тие би го означиле исчезнувањето на Босна и Херцеговина.