„Јавна соба“ стана историја, никој не герантира дека нема да има нова група
Објавено во: Македонија 29 Јануари, 2020
Избришана е групата „Јавна соба“ од мрежата Телеграм. Министерството за внатрешни работи уште во саботата побара од Телеграм официјално да ја избрише оваа група, ама од МВР велат дека до вчера попладнето ниту имале одговор ниту било постапено. Сепак од пред некое време денеска нема трага од оваа група, на која се споделуваа слики од девојки па и малолетни деца.
Групата имаше над 7.000 членови кои во неа пристапуваа со измислени имиња, а веднаш откако беше објавено, дел од нив ја напуштија. Сепак таму останаа околу 6.000 членови кои продолжија да споделуваат информации за девојки, контакт броеви и други недолични содржини.
Јавноста се крена на нозе, но работата излезе од контрола, а администратор кој и сам се пријавил во полиција тврдеше дека не може да ја избрише групата. Тоа сега најверојатно го стори самиот Телеграм.