ЈАВНИОТ ДОЛГ РАСТЕ - еве која вредност ја достигна и треба ли да не загрижува
Објавено во: Економија 11 Мај, 2020
На крајот на првиот квартал од годинава јавниот долг на земјава ја надмина психолошката граница од 50 проценти од БДП и достигна 50,7 отсто, говорат најновите податоци за состојбата на долгот што ги објави Министерството за финансии.
Минатата година земјава ја заврши со јавен долг од 48,9 отсто. Тоа значи дека само во првото тримесечје од годинава тој е зголемен за 1,8 процентни поени.
Ако се гледа во апсолутен износ, за три месеци земјава е позадолжена за 19 милиони евра. Или, на крајот на март вкупниот јавен долг изнесувал 5,559 милијарди евра, наспроти 5,540 милијарди евра колку што сме должеле на крајот на декември минатата година.
Зошто јавниот долг во апсолутен износ не е порснат за значајна сума, а има поголем раст на неговиот процент од бруто-домашниот производ, веројатно се должи на фактот што поради кризата се веќе намалени проекциите за износот на БДП, па заради тоа се зголемува учеството на долгот.
Доколку се погледне поединечно, ќе се види дека во првите три месеци од годинава значајно се намалил надворешниот долг, а се зголемил домашниот.