KAЦАРСКА: Добив клоца во нога на плажа во Грција откако објавив пресуда за Груевски
Објавено во: Македонија 29 Мај, 2024
Претседателката на Уставниот суд, Добрила Кацарска, вечерва изјави дека освен последните закани кои стигнаа до неа, а за кои јавноста беше информирана, во изминатите години имало и физички напади.
Напад се случил на плажа во Грција во перидот кога го судела предметот за поранешниот премиер Никола Груевски.
„Во периодот кога го судев предметот за поранешниот премиер Никола Груевски, кога ја објавив пресудата, после неколку дена отидов една недела на одмор во Грција, со моја другарка. Таму бев физички нападната на плажа, бев удрена со клоца во ногата, во пределот на глуждот. Имав голем оток, имаше модринка и со таква нога возев до Скопје“, рече Кацарска во вечерашното гостување во „Топ тема“ на телевизија Телма.
Кацарска рече дека не пријавила во полиција затоа што сметала дека е изолиран случај, но дека го прекинала одморот и наредниот ден се вратила во Скопје.
Министерот за правда Кренар Лога реагира на соопштението на ВМРО - ДПМНЕ за претседателката на Уставен суд, Добрила Кацарска.