Како цената на златото ја заврши седмицата?
Објавено во: Економија 09 Јануари, 2017
Цената на златото се намали во петокот.
Фјучерсите на благородни метали со испорака во февруари поевтинија со 0,73% последниот ден од седмицата до 1 172,65 долари за унца на платформата Comex во Њујорк.
Сепак златото забележа 1,97% неделно поскапување што беше најдобра неделна презентација за два месеци.
Кон 10.20 часот денеска златото поскапува со 0,23% до 1 176,05 долари за унца.
Во петокот излегоа податоци за вработеноста во САД и тие покажаа дека во декември работодавците надвор од земјоделството отвориле 156.000 работни места, што беше под очекувањата на економистите за 178.000 нови вработувања. Поважна вест сепак беше растот на платите во висина од 2,9% на годишна основа, што беше најголемото зголемување од 2009 година.
Доларскиот индекс, кој ја мери силата на доларот во однос на шест други валути, се зголеми со 0,77% во петокот до 102,17 поени.
Среброто поевтини во петокот со 0,73% до 16,52 долари за унца, откако претходната сесија беше 16,76 долари и тоа беше највисока вредност од 15 декември.