Како француски „Репортер“ ја опиша Преспа?
Објавено во: Македонија 23 Јули, 2019
Француски „Репортер“ за Преспа пишува дека е рај на дива природа во срцето на Балканот.
Речиси 50 години, Преспанските езера беа отсечени од светот, во корист на дивата природа. Денес, оваа погранична област меѓу Северна Македонија, Албанија и Грција смета на екотуризмот за да ја спречи силната емиграција на нејзините жители, пишува во опширната репортажа францускиот портал „Репортер“, посветен на екологијата, пренесува дописникот на МИА.
Преспа, со своите езера вгнездени на 850 метри надморска височина е „жариште на биолошката разновидност“. Разновидни живеалишта кои нудат импресивна фауна и флора: 1.500 видови растенија, 270 видови птици, 9 видови ендемични риби, присуство на сите големи европски месојади, се наведува во репортажата.