Како настануваат ураганите и колку се моќни?

Добивај вести на Viber

Огромни штети се случуваат преку Атлантикот, кој е погоден од моќни урагани, а последниот со име Ирма е најсилниот досега. 

Таквите урагани се во состојба да го подигнат нивото на морето за шест метри, да поттикнат бранови повисоки од 15 метри. Тоа е последица на климатските промени поради индустриското загадување на атмосферата. Ураганите и торнадата стануваат сè почеста појава и во Европа. 

Истражувањата покажаа дека во ураганите воздухот кружи, циркулира и вертикално, поради што големи количини снег и мраз се топат, потоа се подигнува и тие се враќаат во првобитна состојба. 

Ураганите се „хранат“ со топлина, но нивните облаци на висина од неколку километри, сè до тропосферата, се ладат до температури од околу -50 Целзиусови степени. Дождот што паѓа на земјата е последица на километри топол воздух низ кој поминуваат тој мраз и снег.

Ураганот настанува на површината на океанот, а кружењето на воздухот е последица на Кориолисовиот ефект во текот на вртењето на Земјата. Ураганите на северната хемисфера кружат спротивно од движењето на стрелките на часовникот, додека на јужната ја следат правилната насока на движење. Во текот на кружењето на воздухот во ураганот настанува и „око“, а со подигнувањето на воздухот, сушејќи се и ладејќи се, и со забавувањето, воздухот во него секогаш изгледа како ураганот да дише.Со постојаното мешање на воздухот во ураганот, се собира, па се шири, особено кај најголемите урагани. 

Ураганите можат да го разбрануваат морето толку силно, што ќе покренат водена маса до десетици метри во длабочина. Кога толку голема маса ќе почне да удира во брегот или дури и во дното на некои места, се разбира дека почвата почнува да трепери.