Како се зголеми наталитетот во Германија?
Објавено во: Економија, Свет 17 Октомври, 2016
Расте наталитетот во Германија, но деца се раѓаат од мајки од негерманско потекло.
Стапката на наталитет во земјата се искачила на 1,5 деца по жена, што е највисок процент во последниве 33 години. Овој податок го објави федералната Агенција за статистика, јавува дописникот на МИА од Берлин.
„Забележуваме континуитет во позитивниот раст од 2012 година кога наталитетот бил на ниво од 1,47 деца по жена“ - се вели во извештајот на Агенцијата за статистика.
Најбројната членка на светот има население од 81 милион жители, но се наоѓа меѓу групата земји со најниска стапка на новороденчиња во светот.
За природно обновување на населението и задоволување на потребите на економијата на Германија се потребни 2,1 деца.
Според статистиката наталитетот е повисок кај жените од негерманско потекло. Тој од 2014 до 2015 година е зголемен од 1,86 на 1,95 деца со што значително се придонесува за генералното зголемување на наталитетот во земјата.
Просечната старост на жените при првото породување е 29 години и 7 месеци , при второто на близу 32 години, а третото околу 33 години.
Лани Германија и Јапонија беа земји со најслаб наталитет во светот.