Како во „Македонските Чарлиевите ангели” е прикажана Катица Јанева?

Добивај вести на Viber

Во документарниот филм „Македонските Чарлиевите ангели” кои вечерва се емитува на српската ТВ Н1, во една од сцените обвинителката Катица Јанева со повишен тон им се обраќа на вработените и им укажува побрзо да ја завршуваат работата.

Овој филм ја прикажува работата на сите обвинители и на целокупниот тим на Специјалното јавно обвинителство.

Документарниот филм претставува независно авторско дело чие снимање беше со дадена согласност на Специјалниот јавен обвинител, информираа од СЈО. 

„Во оваа прилика ѝ појаснуваме на јавноста дека филмот ја прикажува работата на сите обвинители во ова Јавно обвинителство, а меѓу кои се и јавните обвинители Ленче Ристоска и Фатиме Фетаи, како и работата на целокупниот тим на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите“- се наведува во денешното соопштение од СЈО.

Филмот на британската новинарка Рејчел Рајт известува за борбата на трите обвинителки Катица Јанева, Ленче Ристоска и Фатиме Фетаи за покревањето обвиненија против поранешни македонски функционери во последните шест недели, пред истекот на рокот што им е даден за да ја исполнат задачата.