КАКВИ САНКЦИИ СЛЕДАТ: Илон Маск со една постапка го урна угледот на Тесла?
Објавено во: Економија 29 Септември, 2018
Aмериканската Комисија за хартии од вредност го тужи милијардерот Илон Маск пред Федерален суд поради твитовите за приватизацијата на Тесла и повлекувањето од берза на акциите на оваа компанија.
Маск ја нарече тужбата ,,неоправдана”.
„Овој неоправдан потег на СЕЦ длабоко ме огорчува и разочарува. Секогаш работев во интерес на вистината, транспарентноста и вложувачите. Интегритетот е најважна вредност во мојот живот и фактите ќе покажат дека тоа никогаш на каков било начин не сум го компромитирал“ - истакна Маск.
Тужбата следи по само два месеци откако во август, Маск на Твитер објави дека размислува да ги повлече од берза акциите на компанијата Тесла. Тој објасни и дека инвеститорите го подржале неговиот план , а акционерите ќе добијат 420 долари за акција. Тоа е за една петтина повеќе од моменталната цена.
Маск на Твитер свесно ја лажел јавноста, затоа што ниту еден од инвеститорите не зборувал за повлекување на Тесла од берзата.
Најлошиот исход од ваквата тужба би бил огромна казна и забрана да биде на чело на компанијата или на која било друга компанија која котира на берзата во САД.
Од Тесла засега немаат одговор како би постапиле во случај да се реализира тужбата. Покрај угледот на компанијата, со случајот е загрозен и угледот на милијардерот.
Маск се соочува со тужба од нуркачот, кој ги спасуваше децата од пештерата во Тајланд, а милијардерот го нарече педофил.