Каменос: Кога некој поставува знаме треба да обезбеди војска или со крв да го брани
Објавено во: Балкан 18 Април, 2018
Оној што зема знаме за да го постави на некој остров треба да знае и да го одбрани или да ја извести војската, изјави грчкиот министер за одбрана Панос Каменос.
Тој ги критикуваше тројцата Грци, кои минатиот петок поставија знаме на грчкиот карпест и ненаселен мал остров Микрос Антропофас.
„Кога некој го зема знамето и го поставува некаде, треба да обезбеди дека тој самиот или со веќе известена војската, со крв ќе го брани знамето, до крај. Да земеш еден чамец и да речеш: Знаеш што, сега за Велигден кога излегов да прошетам ќе ставам на оној карпест остров едно знаме и после нека трчаат чуварите да го одбранат. Но тоа не е правилно“ - вели Каменос.
Поставеното знаме беше причина за нови тензии во грчко-турските односи.
Анкара тврди дека турската крајбрежна служба го отстранила грчкото знаме, додека пак Атина демантираше дека имало такво нешто.
Како што јави дописникот на МИА од Атина, Каменос во неговиот денешен говор во грчкиот Парламент рече дека Турција води хибридна и психолошка војна, која не треба да предизвикува страв кај Грците.