Каменос не се откажува од Владата, но не и од „Грчка Македонија“
Објавено во: Балкан 30 Јануари, 2018
Панос Каменос, моментално еден од најконтроверзните грчки политичари, не се откажува од владината коалиција со комунистичката партија Сириза на премиерот Алексис Ципрас поради разликите за решавање на спроот за името со Македонија.
Каменос која ја предводи ултра-десничарската Независни Грци тврди дека засега неговата помала партија ќе остане дел од парламентарното мнозинство и ќе ги задржи владините позиции и министерства, но не се согласува со терминот „Македонија“ да биде дел од конечното решение меѓу Македонија и Грција што е апсолутно апсурдна и ретроградна позиција.
Македонија ако ништо друго веќе е дел од референцата БЈРМ, па затоа сосема е јасно дека ширењето на национализам кај Каменост не е ништо друго освен обид да ги крене рејтингот на партијата кој е на самото дно и постои опасност на следните избори да не освои ниту еден пратеник.
Каменос тврди дека не се откажува од „Грчка Македонија“, но нема храброст да ја напушти Владата на Ципрас за што потврда стигна и од владиниот портпарол Цанакопулос.