Каменос вели дека за 20 минути можат да ја срамнат земјава и да стигнат до Србија
Објавено во: Балкан 21 Февруари, 2019
Поранешниот грчки министер за одбрана и лидер на Независни Грци, Панос Каменос вели дека една единица оклопни возила за 20 минути ќе стигне до границата со Србија.
Ова Каменос го изјави во интервјуто за локалната телевизија „ТРТ“ од областа Тесалија, јави дописничката на МИА од Атина.
„Не чувствуваме закана. Ниту Албанија може да се закани на Грција, ниту Скопје. Скопје е 20 минути работа. Ако една единица оклопни возила реши да помине, стигнува до крајот на Скопје, ќе стигне до Србија. Одбранбено не нѐ засегаше никогаш“, вели Каменос.
Лидерот на Независни Грци во интервјуто вели дека Никос Коѕијас, за Договорот од Преспа дејствувал подмолно и тајно, „но и премиерот има апсолутна одговорност“, бидејќи, како што рече имале одлучено поинаку да ја водат владата.
Тој откри дека кога беше во САД каде што го предложи планот Б, односно договор со стратешки карактер за земјите од регионот, на заменикот државен секретар му го поставил прашањето: зошто инсистирате?