Кантримен: ОН го реши спорот на Македонија и Грција за 27 долари

Добивај вести на Viber

Томас Кантримен, поранешниот претставник на Стејт Департментот, на трибина во Вашингтон иронично рекол дека целокупниот трошок на ОН за решавање на спорот со името помеѓу Македонија и Грција изнесува 27 долари, пренесува Гласот на Америка.

Ова го кажа повеќе на комичен начин затоа што посредникот на Обединетите нации, Метју Нимиц, работел бесплатно во преговорите, односно симболично за еден долар годишно. Бидејќи медијаторот беше ангажиран 27 години, тоа се вкупно 27 долари на сметката на американскиот дипломат.

„Патот кон НАТО сега е чист од пречки и веќе е време да се размислува за следната цел, а тоа е спроведување на реформите неопходни за Македонија да биде сериозен кандидат за членство во Европската Унија. Договорот помеѓу Грција и Северна Македонија сам по себе не е доволен. Има уште работа. Но, јас сум оптимист. Мислам дека актуелната влада е посветена на спроведување на потребните реформи и гледам, не утре, не следната година, но во иднина, многу светла европска иднина за државата,“ рече дополнително Кантримен во неговиот говор во кој го поздрави постигнатиот договор помеѓу двете земји.

Организатор на трибината беше Форумот за демократска Македонија.