Каракачанов: И надвор од Парламентот ќе се борам за бугарскиот интерес во Македонија
Објавено во: Македонија 06 Април, 2021
Не влезе во новиот бугарски Парламент, но најавува битка за бугарскиот интерес во Македонија и по изборите. Красимир Каракачанов ги поздрави гласачите и испрати порака дека неговата партија останува на истата линија во како што вели одбраната на сите интереси кои ги застапувал во претходните четири години. Неговата партија ВМРО освои само 3,65 отсто од гласовите со што не го исполни изборниот праг од четири проценти за да биде претставена во Парламентот.
„Сакам да му гарантирам на секој Бугарин кој ја даде својата доверба и гласаше за ВМРО дека нема да ве изневериме! Дури и надвор од парламентот, ВМРО ќе се потруди да ги одбрани вашите интереси, за кои работевме последните четири години - приход, семејство, безбедност. Ние ќе продолжиме да го браниме бугарскиот интерес за Македонија - затоа што не треба да има компромис по секоја цена!
ВМРО не ја доби оваа битка, но „војната“ допрва следува, напиша Каракачанов на фејсбук.
Според резултатите од Централната изборна комисија на Бугарија ГЕРБ на Бојко Борисов освои 26,14 отсто, „Има таков народ“ на Слави Трифонов 17,73 проценти, БСП 15,02 проценти, ДПС – 10,34 отсто, Демократска Бугарија – 9,52 отсто, „Исправи се! Излези!“ – 4,76. Сите тие влегуваат во Парламентот.
Дури.47 479 гласачи на гласачкото ливче заокружиле „Не поддржувам никого“.
Гласовите од дијаспората убедливо ги освои партијата на Трифонов „Има такви луѓе“со 30,61 проценти.