Катимерини пишува дека поради скопското прашање многу скоро ќе имаат избори
Објавено во: Балкан 12 Септември, 2018
Три можни сценарија се предвидени за периодот меѓу октомври и декември 2018, во зависност од исходот и резултатот од референдумот согласно временскиот период предвиден во Договорот од Преспа, пишува грчкиот весник „Катимерини“.
Исходот од референдумот во Македонија е позитивен и веднаш започнува процесот на уставна ревизија, и ова е првото сценарио.
Според второто, исходот повторно е позитивен, но опозицијата останува со непроменет негативен став и се распишуваат предвремени избори.
„Во овој случај процесот за ревизија на Уставот ќе се финализира на крајот на јануари-почетокот на февруари 2019“- пишува „Катимерини”.
Третото сценарио, според весникот е негативен исход од референдумот, „Договорот од Преспа не важи и се се враќа на почетна точка“.
Мај е месецот кога во Грција ќе се оджат тројни избори (локални, регионални и евроизбори), а во септември следната година завршува четиригодишниот мандат на грчката Влада.
Во шематскиот приказ посветен на временскиот период согласно договорот, „Катимерини“ ги споменува февруари и март како можни термини кога би било гласањето во грчкиот парламент.
Весникот, како што јави МИА од Атина, во текстот под наслов „Скопското прашање носи избори во мај“, времетраењето на грчката Влада, директно го поврзува со Договорот од Преспа, по изјавите на Панос Каменос и Алексис Ципрас за нивната соработка во коалиционата влада поради различните ставови во однос на решението меѓу Македонија и Грција. Весникот потсетува на изјавите на двајцата коалициски партнери на одвоените прес-конференции во Солун.