Катимерини за името: Во Грција се забележуваат политички поделби
Објавено во: Балкан 29 Март, 2018
Грчкиот весник „Катимерини“ пишува дека министерот за надворешни работи на Грција, Никос Коѕијас, и неговиот македонски колега Никола Димитров се подготвуваат за средба во Виена со специјалниот претставник на ОН за прашањето за името Метју Нимиц, но во меѓувреме во Грција се забележуваат политички поделби.
Премиерот на Грција, Алексис Ципрас, изјави дека неговата Влада подготвува трајно решение за спорот со името. Тој рече дека преговараат со чувство на национална одговорност со цел да постигнат решение што ќе ги задржи нивната историја и наследство, а истовремено ќе го отфрли иредентизмот од другата страна.
Коѕијас и Димитров утре под посредство на медијаторот Метју Нимиц ќе остварат средба во Виена, на која ќе бидат разгледани позициите на двете страни во врска со изнаоѓање решение за долгогодишниот спор.