КАЗНА ОД 20 ЕВРА ЗА НЕНОСЕЊЕ МАСКИ ЗА ФУНКИОНЕРИТЕ НА ДУИ: Ако платат во рок од една недела казната ќе им се намали на 10 евра
Објавено во: Македонија 07 Јануари, 2021
Функионерите на
ДУИ кои на 4 јануари се собраа во новата зграда на Министерството за политички
систем, каде го главеа роденденот на лидерот, Али Ахмети, денеска од МВР добија
платни налози во износ од 20 евра за неносење маски.
Од Министерството за внатрешни работи за Фокус потврдиле дека платните налози им се веќе врачени и дека како и за сите граѓани така и за функционерите важи правилото дека ако ја платат казната во рок од една недела, ќе им се намали на 10 евра.
Инаку, фотографијата каде што функционерите на ДУИ се сликани без маски ја објави министерот за надворешни работи, Бујар Османи, по што следеа бурни реакции во јавноста.