Кенијците се откажуваат од ручекот за да имаат пари за СМС

Добивај вести на Viber

Можноста за користење на мобилните телефони донесе подобрување и на животот на сиромашните луѓе. Сепак, колку е корисно да има мобилен телефон некој кој преживува со помалку од 15 долари дневно, колку според  Светска банка е прагот на сиромаштија? Истражувањето во Кенија покажало дека луѓето се спремни да прескокнуваат оброци или да одат пеш место да плаќаат за автобуски билет, само за да имаат пари за зборување на мобилен телефон, пренесува „Економист“. Неделниот трошок за телефон во Кенија просечно изнесува нешто повеќе од 72 Кениски шилинга (околу 84 американски центи) што не е малку ако се земе во предвид дека дневно овдешните работници можат да заработат по 1 долар. Сепак, извештајот „iHub“ во Кенија, покажал дека дел од луѓето се буквално спремни да се откажат од месото во исхраната, со надеж дека така ќе бидт во можност да направат повик или испратат СМС текст, за кој пак веруваат дека подоцна ќе им овозможи да имаат повеќе храна на масата. Половина од испитаниците користеле мобилни телефони со кои имаат пристап до интернет. Ваучерите со кои Кенијците ги плаќаат своите сметките за мобилен телефон, се плаќаат по разговор, наместо по сообраќај во минути. Во меѓувреме, мобилните оператори има обезбедено слободен пристап до сајтови како Википедија за да ги намамат клиентите. Сепак, само 16 проценти од испитаниците изјавиле дека користат мобилни телефони за интернет. Вистински пробив на кенискиот пазар беше можноста луѓето испраќаат и да примаат пари. Дури две третини од корисниците ја користеа ваквата опција. Најголемиот успех во Источна Африка беше „М-Pesa“, систем за трансфер на пари преку мобилните оператори кој работи на било кој мобилен телефон. Овој мобилен систем дозволи движење на околу 8,6 милијарди долари во првата половина на годината. Меѓутоа, успехот на „М-Pesa“ не и побегна на Владата која се бори за да ги исполни своите финансиски обврски. Министерството за финансии сега планира да воведе данок од 10 отсто на прфитот кој го земаат мобилните оператори со монетарните трансакции. Овој трошок ќе биде неизбежно пренесен на потрошувачите, вклучувајќи ги и оние кои се многу сиромашни.