Кина и во епидемија забележа квартален раст на БДП
Објавено во: Економија 16 Јули, 2020
Економијата на Кина се зголемила за 3,2 проценти во вториот квартал од годината, односно во месеците април, мај и јуни, период кој се поклопува со епидемијата предизвикана од коронавирусот, објави националното биро за статистика.
Ова е многу подобар резултат во однос на првото тромесечие од 2020. БДП во периодот април-јуни забележа скок од дури 11,5 проценти во однос на првите три месеци од 2020 година. Првиот квартал од годината забележа пад од 6,8 отсто.
Сепак, анализата покажува дека домашната потрошувачка и инвестициите останаа кревки како резултат на корона кризата и потребно е понатамошна државна интервенција за закрепнувањето.
Сепак ова е побрз раст отколку што очекуваа економистите, кои предвидоа 2,5 проценти економска експанзија во вториот квартал.