Кина ликвидирала 20 шпиони на ЦИА

Добивај вести на Viber

Кинеските разузнавачки служби извршиле повеќе успешни акции за откривање на доушници и агенти кои работат за ЦИА и пренесуваат информации во корист на САД. Според информации кои е тешко да се потврдат официјално се претпоставува дека во Кина биле ликвидирани околу 20 доушници во мрежата на ЦИА, од кои дел се пикнати во затвор, а помал дел се убиени. Еден од доушниците бил застрелан во двор на кинеска владина зграда како предупредување кон останатите.

Разузнавачите на САД се соочиле со голем проблем бидејќи освен што нивните доушници ги снемува, полека го губеле и редовниот пристап до важни информации за кинеската влада и нејзините активности. 

Акциите за откривање и ликвидирање на шпионите кои работат за потребите на ЦИА биле водени од 2010 до 2012. Засега ЦИА не знае точно дали доушниците биле откриени како резултат на некој хакерски напад при што бил дознат идентитетот на соработниците или пак внатре во нивните агентури во Кина бил инфилтриран „крт“ кој ги открил потребните протоколи и процеси на обработка на соодветни информации. Официјално во Кина за овој период било откриено сам еден судски процес против владин службеник кој се сомничеше дека паднал во замката на ЦИА. 

Сепак, и кинезите не седеле со скрстени раце, па така тие успеале да инфилтрираат свој агент во службата на НСА во Тајван, но подоцна тој бил откриен. Проблемот е што никој точно не потврдува колкав е бројот на убиени доушници и колку шпиони лежат во затворите поради шпионажа или контра-шпионажа.